封面 內容簡介

  這本台語詩集分三部分:唸歌、短詩佮一般現代詩。唸歌是有押韻、有鬥句,念起來真順耳真好聽;短詩,用較少ê字句來表現詩質;一般現代詩,通常無限字數、無限幾句,根據寫作需要,感覺表達ê情意、思想已經完整,就結束。
  這本詩集ê作品大部分是我投稿佇《台灣現代詩刊》、《台文罔報》、《臺江臺語季刊》、《台客詩刊》、《台文戰線》,「大肚山藝文報」ê作品,抑有一部份是我水彩畫台語詩展《行踏‧注目》作品(一幅圖配一首台語詩,我大部分是去行踏轉來,共媠的印象、景致畫出來,閣寫出來)。有一寡朋友看了呵嘮,向望我會當出版。
  向望逐家看了《行踏‧注目》了後,嘛動筆寫看咧、畫看咧,予家己一個真讚ê禮物。